Klub matbuot xizmati ma'lum qilishicha, jamoa sardori Anvarjon G'ofurov, shuningdek, Muhsin Ubaydullaev, Zoran Marushich, Koffi Kuao, Yovan Jokich va Abdulla Abdullaev jarohatlari sababli mazkur bahsda ishtirok etmaydi.
Hozircha futbolchilarning jarohatlari qay darajada jiddiy ekani va ularning qachon safga qaytishi haqida ma'lumot berilmagan.
Eslatib o'tamiz, "Neftchi" mazkur uchrashuvda yarim himoyachi Ikromjon Aliboevning xizmatidan ham foydalana olmaydi. Futbolchi "Al Nassr"ga qarshi bahsda maydondan chetlatilgani uchun OFK tomonidan ikki o'yinga diskvalifikaciya qilingan.
Ma'lumot uchun, "Traktor" va "Neftchi" o'rtasidagi Osiyo Chempionlar ligasi Elit turniri 4-tur uchrashuvi 2 noyabr kuni Ummon poytaxti Maskatdagi "Sulton Qobus" sport majmuasida bo'lib o'tishi rejalashtirilgan.
