Журналистлар Филипп Кесслер ва Мануэль Бонкенинг хабар беришича, Компани бир неча кун олдин ҳам шифохонага тушиб, у ерда тунаган ва тиббий кўрикдан ўтган эди. Текширув натижалари салбий чиққан.
Маълум бўлишича, Компани кўпинча жуда кам ухлайди ва ишда кечгача қолиб кетади. Клуб бу ҳолатдан яхши хабардор.
Соғлиғидаги муаммоларга қарамай, Компани бугун асосий жамоа машғулотини бошқарди ва шундан сўнг иккинчи жамоанинг тайёргарлигини кўздан кечириш учун йўл олди. Айнан мана шу жараёнда у ҳушини йўқотган.
Эндиликда "Бавария" мураббийдан ўзини ортиқча уринтирмасликни, дам олишни ва ишга қайтишдан олдин тикланиш учун қанча вақт керак бўлса, шунча ажратишни қатъий талаб қилмоқда.
