"Варди энергетик ичади... Нонуштагача икки ёки ҳатто уч банка — бу шунчаки ақл бовар қилмас ҳолат! Назаримда, унинг нонуштаси — бу икки банка энергетик. Жейми уни ўйинлардаги танаффус вақтида ҳам ичадими? Унинг қўлида доимо шу банка, ахир бу зарарли-ку! Жеймида, шубҳасиз, ушбу бренд билан қандайдир келишув бор (кулади)", — дея Уокернинг сўзларини келтиради talkSPORT.
Ўтмишда Варди "Лестер Сити" сафида тўп сурган бўлиб, клуб билан АПЛ, Англия Кубоги ва Суперкубогини ютган, шунингдек, икки марта Чемпионшип ғолибига айланган. Ушбу жамоа шарафини у 2012 йилдан 2025 йилгача ҳимоя қилди. Футболчининг фаолияти давомида "Галифакс Таун", "Флитвуд Таун" ва бошқа клублар ҳам бўлган. Шу билан бирга, ҳужумчи Англия терма жамоасида ҳам майдонга тушган.
