71 ёшли мутахассиснинг айтишича, у ҳали Роналду билан суҳбатлашмаган, аммо яқин вақт ичида жамоадаги ҳар бир футболчи билан алоҳида учрашув ўтказади.
"Мен ҳали Криштиану билан гаплашмадим. У на терма жамоа учун, на мен учун муаммо. Одамлар бу ҳақда турлича фикр билдириши мумкин.
Мен Криштиану билан ҳам, бошқа ҳар бир футболчи билан ҳам алоҳида суҳбатлашаман.
Криштиану — Португалиянинг рамзи. У билан ишлаш мен учун катта завқ бўлган. Энди унинг ўзи нимани истаётганини билишим керак.
У менга доим фаолиятини "Ал Насср"да якунлашни хоҳлашини айтган. Энди эса унинг ўзи учун энг тўғри қарор қайси бири эканини кўрамиз", - деди Жезуш.
Эслатиб ўтамиз, Криштиану Роналду ЖЧ–2026 1/8 финалида Испанияга қарши мағлубиятдан (0:1) сўнг бу унинг фаолиятидаги сўнгги мундиал бўлганини маълум қилган эди. Жезуш эса аввал "Ал Насср"да Роналду билан бирга ишлаб, жамоани Саудия Арабистони чемпионлигига олиб чиққан.
