Испания терма жамоаси устози: "Франциянинг ўйини мен учун зерикарли эмас"

Ушбу баҳс 9 июльдан 10 июлга ўтар кечаси 00:00да ўтказилади.

- Бу биз учун фантастик имконият. Биз кўп тер тўкдик ва шу ерда бўлишга муносибмиз. Бу финал бўлиши ҳам мумкин эди.

Ушбу типдаги учрашувларда ҳаммасини деталлар ҳал қилади, камроқ хато қилиш лозим. Биз тарихий имкониятга лойиқмиз.

- Испания қандай ўйнайди?

- Ҳар доим ғалаба қозонишга ҳаракат қилмаиз. Ўйин моделимиз шоуга ўхшайди, у жуда томошабоп ва ёрқин. Аммо асоийси - ғалаба. Мафтункор ва фойдали ўйнаш керак.

- Франция ўйини сиз учун зерикарли эмасми?

- Мен баҳолайман ва потенциални таҳлил қиламан ва бу нарса францияликларда фантастик даражада. Улардаги футболчиларнинг маҳоарати жуда юқори. Доим уларнинг футболидан роҳат олганман. Зерикарли эмас, бизнинг услубларимиз фарқ қилади.

Биз тайёрмиз. Франция жисмонан жуда кучли жамоадек тасаввур уйғотяпти, аммо уларга қарши қандай қуролдан фойдаланиш кераклигини яхши биламиз" - деди де ла Фуэнте.