"Бу ёқимли, бизга шундай ғалаба керак эди. Айниқса, қандай ўйнаганимизни ҳисобга олсак: рақибга гол уришга имкон бермадик, ўйинни яхши назорат қилдик. Биз жуда кучли бошладик. Иккинчи бўлимда ўйин бошқача кечди — биринчисидагидек яхши ўйнамадик, лекин рақибга аниқ голли вазиятлар яратишга йўл қўймадик".
Дубль қайд этган Исак ҳақида
"У биз учун жуда муҳим ўйинчи. Мен ундан фақат гол талаб қилмайман: у яхши спорт формасида, жисмонан тайёр ва гол уради. Лекин менинг унга бўлган талабларим бошқа нарсаларга — бошқа вазиятларда жамоага қандай ёрдам бера олишига кўпроқ тегишли. Аммо у иккита тўлиқ ўйин ўтказгани ва бугун ҳам майдонда етарлича вақт ўтказиб, голлар ургани жуда яхши.
Бугун биз анча, анча яхши пресс қилдик. Тўпни жуда юқорида олиб қўйдик ва шу сабабли уни яхши позицияларда қабул қила олдик. Агар тўпни пастроқда қайтариб олсак, майдон торроқ бўлгани учун уни топшириш қийинроқ бўлади. Шунинг учун тўққизинчи рақамимиз учун бугунгидек вазиятларни яратишда янада сифатли ҳаракат қилишимиз керак", — дейди Ираола Sky Sports га берган интервьюсида.
