Режа ФИФАнинг эркаклар ва аёллар ўртасидаги асосий турнирлари – жаҳон чемпионати ва клублар ўртасидаги жаҳон чемпионатини бошқарадиган компанияни ташкил этишни назарда тутади. Муҳокамалар жараёнидан хабардор икки манбанинг маълум қилишича, ушбу лойиҳа юзасидан АҚШ президенти Дональд Трамп маъмуриятига яқин кишилар билан маслаҳатлашилган. ФИФАда инвестиция гуруҳини Дональд Трампнинг куёви Жаред Кушнернинг укаси Джошуа Кушнер томонидан асос солинган Thrive Capital компанияси бошқариши кутилаётганини тасдиқлади. ФИФАнинг 211 та миллий ассоциацияси ва аъзоларининг ҳар бири қиймати тахминан 20 миллион долларни ташкил этиши мумкин бўлган ўз улушига эга бўлади. Ассоциациялар қўшимча даромад олиш учун бу улушни сақлаб қолишлари ёки уни сотишлари мумкин бўлади. Манбаларнинг сўзларига кўра, ҳозирда 56 ёшда бўлган Инфантино ўзининг сўнгги президентлик муддати тугаганидан кейин янги компанияга комиссар этиб тайинланиши режалаштирилган. Унинг ФИФА президенти лавозимига муқобилсиз қайта сайланиши ва 2031 йилгача ўз лавозимида қолиши кутилмоқда.
