Клуб жиддий кайфиятда ва трансфер бозорида ўз сўзини айтмоқчи, деб хабар беради indykaila News ижтимоий тармоқда.
Манбага кўра, "шаҳарликлар"нинг қизиқиши футболчининг Испания жамоасидаги ҳозирги беқарор вазияти билан боғлиқ. "Ман Сити"нинг мақсади — юқори даражадаги футболчи эвазига таркибни кучайтириш: клуб трансферни кейинги ёзги трансфер ойнасигача расмийлаштиришга умид қилмоқда. Винисиуснинг "Реал" билан амалдаги шартномаси 2027 йилнинг июнигача мўлжалланган.
Бундан олдин "қаймоқранглилар" раҳбарияти Винисиус билан меҳнат шартномасини фақатгина футболчи клубнинг молиявий талабларидан анча паст бўлган таклифига рози бўлган тақдирдагина узайтиришга тайёр эканлиги хабар қилинганди.
Винисиус 2018 йилдан бери "Реал"да тўп суради. Ўтган мавсумда футболчи клуб сафида барча турнирларда 53 та ўйин ўтказиб, 22 та гол урди ва 14 та голли узатмани амалга оширди. Transfermarkt ҳужумчини 140 миллион еврога баҳоламоқда.
