“Ғазалкент” клуби матбуот хизмати хабарига кўра, Влад аллақачон белгиланган манзилга етиб бориб, «Сан-Лоренсо»нинг асосий таркиби билан машғулотларга киришди.
Россия фуқаролигига эга, бўйи 190 см бўлган бақувват ҳужумчи 2025-йилнинг декабрь ойидан буён жамоа билан бирга машғулотлар ўтказиб келмоқда. Набатов ҳали 18 ёшга тўлмагани сабабли, жамоа уни фақатгина иккинчи даврадан бошлаб Пролигада рўйхатдан ўтказа олади. Шу сабабли, айни дамда унинг маҳоратини ошириш ва халқаро тажриба тўплаши учун Аргентинага юборишга қарор қилинди.
Бундай гранд клубнинг асосий таркиби билан бирга ишлаш - футболчи учун ўз иқтидорини кўрсатиш ва жамоага янада кучлироқ бўлиб қайтиш учун ажойиб имкониятдир.
Владга Аргентинанинг «Катта бешлик» клуби етакчилари орасида ўзини яхши томонлама кўрсатишини тилаб қоламиз! Ишонамизки, ушбу тажриба унинг клубимиздаги фаолиятида катта рол ўйнайди, дейилади клуб хабарида.
