"Ювентус"нинг собиқ ярим ҳимоячиси Миралем Пьянич Массимилиано Аллегри бир сафар Криштиану Роналдуга жарима зарбасини амалга оширишга қандай қилиб йўл қўймаганини сўзлаб берди.
— Менда бу борада бир ажойиб воқеа бор. Биз "Наполи"га қарши ўйнаётган эдик, мен жарима зарбасидан гол урдим — бу ажабланарли эди, чунки таркибда Роналду бор эди.
У жарима зарбаси ишлади, Мерет эса, шекилли, майдондан четлатилган эди. Макс Аллегри Роналдунинг газонда тиззасини ушлаб ётганини кўрди ва дарҳол унинг ёнига физиотерапевтларни юборди.
Гап шундаки, ушбу жарима нуқтаси жуда қулай эди, шу сабабли у Криштиануни вақтинча ўйиндан чиқарди ва зарбани менга топширди. Мен эса гол урдим! Тўпни қўлга киритишнинг ягона йўли шу эди, шундай экан, раҳмат, Макс! — деди "Ювентус"нинг собиқ хавбеки Festival dello Sport тадбири давомида.
Football Italia маълумотига кўра, Роналду Турин клубида ўйнаган йиллари давомида А Серияда 98 марта жарима зарбасини амалга оширган ва бор-йўғи битта гол урган.
