Унинг сўзларига кўра, Мадрид клуби таркибида дунёнинг энг яхши футболчилари жам бўлишган.
"Яхши мураббий жамоамизнинг ўйинини йўлга қўйиб олади, чунки бизда дунёнинг энг яхши ўйинчилари бор. Мбаппе, Винисиус, Беллингем, Гюлер, Вальверде, Тчуамени… Улар — дунёда тенгсиз", — дея Переснинг сўзларини келтирмоқда Managing Madrid нашри.
Миш-мишларга кўра, шу ёзда "Реал"ни 2010 йилдан 2013 йилгача ҳам "қаймоқранглилар"ни бошқарган Жозе Моуринью ўз қўлига олади.
Бундан ташқари, "Реал" президенти шартномаси 2027 йилнинг июнигача мўлжалланган Винисиус Жуниорнинг келажаги ҳақида ҳам алоҳида тўхталиб ўтди:
"Винисиус шартномасини узайтирадими? Мен буни билмайман, лекин унинг жамоада қолишини хоҳлайман, чунки у дунёнинг энг яхши футболчиларидан биридир".
