Тўртта қадрдон ҳарфни пул қилишга қаратилган бошқа уринишлар эса барбод бўлмоқда.
Футбол бўйича Жаҳон чемпионатига атаб Netflix ўз платформасида FIFA World Cup: Launch Edition ўйинини чиқарди — энг йирик футбол ташкилоти билан ҳамкорликда яратилган бу ўйинни смартфон орқали бошқариш таклиф қилинган эди.
"Бизнинг янгиланган ўйинимиз ҳақиқатдан ҳам рақамли футболнинг янги даври бошланишидан дарак беради", — деган эди FIFA президенти Жанни Инфантино Netflix матбуот релизида. Бироқ релиздан сўнг лойиҳа танқидларга учради ва рақобатчилар фонвида ҳақиқатдан ҳам ёмон кўринди. Энди эса унинг муаллифлари студияси деярли тўлиқ таркибда ишдан бўшатилди: Refactor Games тахминан 80 кишини ёки ўз штат ходимларининг 85 фоизини қисқартирди.
Бунга молиялаштиришнинг тўсатдан тўхтатилиши сабаб бўлди. LinkedIn'даги собиқ ходимларнинг сўзларига кўра, улар огоҳлантиришсиз ишдан бўшатилган — қисқартиришлар эълон қилинган умумий йиғилиш 31 июль куни бўлиб ўтган. Netflix журналистларга вазият бўйича изоҳ беришдан бош тортди.
