"Фенербахче" Шкринярнинг тўлиқ трансфери устида ишламоқда

"Фенербахче" январдан бери турк жамоасида ижара асосида ўйнаётган "Пари Сен-Жермен" ҳимоячиси Милан Шкринярнинг трансфер ҳуқуқини сотиб олишни режалаштирмоқда. Бу ҳақда инсайдер Фабрицио Романо маълум қилди.

Манбанинг таъкидлашича, турк жамоаси ушбу трансфер устида жиддий ишламоқда ва унинг муваффақиятли якунланишига ишонч билдирмоқда.

Ўтган мавсумда футболчи 23 та ўйинда 3 та гол урди ва 2 та голли узатма берди. "Фенербахче" 2024/2025-йилги мавсум якунига кўра Туркия чемпионати турнир жадвалида иккинчи ўринни эгаллади, мамлакат кубогининг чорак финалигача етиб борди ва Европа Лигасида 1/8 финал босқичида тўхтади.