"Моуриньюнинг "Реал"га келиши билан боғлиқ энг муҳим савол мен учун битта — "Манчестер Юнайтед" Тчуаменини қўлга кирита оладими?
Мен у ҳақида доим гап-сўзларни эшитаман. Агар клубда Каземиронинг ўрнига ярим ҳимоячи сотиб олиш имконияти бўлса, Тчуамени менинг рўйхатимда биринчи ўринда турган бўларди.
Мен аввал ҳам Жозе Тчуамени ва Вальвердени яраштириб, иккаласини ҳам "Реал"да сақлаб қолиши кераклигини айтганман. Аммо агар Тчуаменида клубни тарк этиш учун озгина бўлса ҳам имконият пайдо бўлса, "Манчестер Юнайтед" биринчи бўлиб унинг эшигини тақиллатиши ва бошқа клублар билан гаплашишга ҳам улгурмасидан трансферни якунлаши керак", — деди Фердинанд ўзининг YouTube каналида.
Собиқ жамоа сардори француз футболчисига шахсан ҳам мурожаат қилди.
"Биз бир неча марта шахсий суҳбатлашганмиз ва мен сенинг менинг кўрсатувимни томоша қилишингни биламан.
Энди сенга тўғридан-тўғри мурожаат қиламан: агар ростдан ҳам "Реал"ни тарк этмоқчи бўлсанг, сен учун фақат битта клуб бор — "Манчестер Юнайтед". Агар буни истасанг, шунчаки қўнғироқ қил. Мен бўлганимда худди шундай қилган бўлардим", — деди Фердинанд.
