Бу ҳақда инсайдер Яғиз Сабунжуоғлу хабар бермоқда. Қайд этилишича, 32 ёшли форвард Истанбул клубининг янги президенти Азиз Йилдиримнинг асосий трансфер мақсади ҳисобланади.
Таниқли инсайдер Фабрицио Романо ҳам Х ижтимоий тармоғида ушбу келишув якунланганини тасдиқлади ва трансфер суммасини маълум қилди. Унинг сўзларига кўра, "Фенербахче" ўйинчининг ўтиши учун "Мальорка"га 15 миллион евро тўлайди.
2025/2026 йилги мавсумда Мурики Ла Лигада 23 та гол уриб, "Барселона" аъзоси Ламин Ямаль ва "Реал" ҳужумчиси Винисиус Жуниорни (иккаласида ҳам 16 тадан гол) ортда қолдирди ва чемпионатнинг иккинчи тўпурарига айланди. Ундан кўпроқ голни фақат "Реал Мадрид" форварди Килиан Мбаппе (25 та гол) киритган. "Мальорка" эса чемпионат якунларига кўра 38 учрашувда 42 очко жамғариб, 18-ўринни эгаллади ва қуйи дивизионга (Иккинчи Ла Лигага) тушиб кетди.
