RMC Sport хабарига кўра, Туркия клуби "Марсель" билан 24 ёшли вингернинг трансфери бўйича келишувга яқин турибди. Трансфер 40 миллион евро ва бонусларга баҳоланмоқда. Келишув суммасининг 40 фоизини Гринвуднинг собиқ клуби "Манчестер Юнайтед" олади.
Футболчи "Фенербахче" билан тўрт йиллик шартнома имзолайди ва мавсумига тахминан 10 миллион евро ишлаб топади.
Таъкидланишича, Гринвудга "Атлетико" ҳам таклиф билан чиққан, аммо инглиз футболчиси Туркия жамоасини танлаган.
Ўтган Лига 1 мавсумида Мэйсон 32 та ўйинда 16 та гол уриб, "Марсель"нинг энг яхши тўпурарига айланди.
