Норвегиялик футболчи жамоа атрофидаги шов-шувларга қарамай, футболчилар бирдамликни сақлаши ва эътиборни майдондаги вазифаларга қаратиши кераклигини таъкидлади.
"Биз бирга бўлишимиз, бир-биримизни қўллаб-қувватлашимиз ва иожобий кайфиятни сақлашимиз керак. Ҳаётда нима бўлишидан қатъи назар, доимо табассум қилишимиз лозим.
Биз позитив бўлиб қолишимиз, олдинга қарашимиз, ўйинларда ғалаба қозонишга ҳаракат қилишимиз, вазиятдан завқ олишимиз ва ғалаба учун майдонга чиқишимиз керак.
Бу жой мен учун жуда қадрли, умуман олганда, Буюк Британия ҳам менга жуда азиз. Ота-онамнинг ҳар бири бу ерда 10 йилдан яшаган — Ноттингем ва Лидсда.
Айтишим керакки, “Манчестер Сити” тақдири мени жуда қизиқтиради. Мухлислар мен учун жуда муҳим, чунки ўзим ҳам мухлисиман — уларнинг ҳис-туйғуларини тушунаман", — деди Ҳоланд клубнинг расмий сайтига.
"Манчестер Сити"га қўйилган 115 та айбловдан 114 таси бўйича клуб айбдор деб топилган. Иш молиявий маълумотларни нотўғри тақдим этиш, футболчилар ва мураббийларга тўловлар ҳамда молиявий назорат талабларига риоя қилмаслик билан боғлиқ.
