Бугун "Манчестер Сити" АПЛ молиявий қоидаларини бузиш билан боғлиқ деярли барча айбловлар бўйича айбдор деб топилгани маълум бўлди. Клуб фақат битта айблов бўйича оқланган.
Аввалроқ Норвегия футбол ассоциацияси матбуот котиби Мортен Скенсберг Холанд ва терма жамоа бош мураббийи Столе Сольбаккен шанба куни Португалияга қарши Миллатлар лигаси учрашуви олдидан журналистлар билан мулоқот қилишини маълум қилган эди.
Бироқ кейинчалик Норвегия футбол федерацияси режалар ўзгарганини билдирди. Холанд ўрнига матбуот анжуманида Андреас Шельлеруп ва Фредрик Эурснес иштирок этади.
Эслатиб ўтамиз, АПЛ 2023 йил февраль ойида "Манчестер Сити"ни 2009–2018 йиллар оралиғида молиявий қоидаларни бузганликда айблаган эди. Кейинчалик The Times айбловлар сони 115 эмас, 130 та эканини хабар қилган.
