Норвегиялик футболчи ПСЖга қарши кечаги учрашувда дубль қайд этиб, турнирдаги голлари сонини 60 тага етказди. "Манчестер Сити" ушбу баҳсда 4:2 ҳисобида мағлуб бўлди.
Ҳоланд Чемпионлар лигасидаги 60-голини уриш учун атиги 60 та ўйин ўтказди. Бу мусобақа тарихидаги янги рекорд ҳисобланади. Аввалги рекорд Лионель Мессига тегишли эди: аргентиналик юлдуз 60 та гол чегарасига етиш учун 80 та учрашув ўтказган.
Бундан ташқари, Ҳоланд Чемпионлар лигасида 60 та гол урган энг ёш футболчига ҳам айланди. У бу натижага 26 ёш 85 кунлигида эришди.
Месси эса аввалги рекордни 26 ёш 86 кунлигида ўрнатган эди. Ҳоланд аргентиналик афсонадан атиги бир кунга ўзиб кетиб, яна бир тарихий натижани қайд этди.
