Хорватия терма жамоаси ЖЧ-2026 турниридан Португалияга қарши кечган 1/16 финал учрашувидаги мағлубиятдан (1:2) сўнг чиқиб кетди.
Далич миллий терма жамоани 2017-йилдан бери бошқариб келаётган эди. Унинг қўл остида хорватлар 2018-йилги жаҳон чемпионатида кумуш, 2022-йилги жаҳон чемпионатида эса бронза медалини қўлга киритишди. Бундан ташқари, мутахассис жамоани 2023-йилги Миллатлар лигасида кумуш медалларга олиб чиқди ва унинг 2020 ва 2024-йилги Европа чемпионатлари ҳамда 2026-йилги жаҳон биринчилигида иштирок этишини таъминлади.
Хорватия футбол иттифоқи (HNS) хабар беришича, ташкилот қароргоҳида бўлиб ўтган учрашувда Далич президент Марьян Кустичга 2026-йилги жаҳон чемпионатидан сўнг терма жамоа бошқарувидаги ишини якунлаётганини маълум қилган.
HNS баёнотида қайд этилишича, Далич Хорватия тарихидаги энг муваффақиятли мураббий ва жамоа билан ишлаш давомийлиги бўйича рекордчи сифатида лавозимини тарк этмоқда.
