Бу ҳақда COPE хабар бермоқда.
Португалиялик мутахассис ёрдамчиси Жоау Амарал билан биргаликда аргентиналик футболчининг агенти Фернандо Идальго билан учрашишни режалаштирмоқда. Томонлар эҳтимолий трансфер бўйича кейинги ҳаракатлар режасини муҳокама қилиш ниятида.
Таъкидланишича, “Барселона” 26 ёшли футболчи учун ҳамон 100 миллион евро тўлашга тайёр. Альвареснинг яқин атрофидагилар эса у каталонияликлар клубига ўтишни ва Ханс-Дитер Флик қўл остида тўп тепишни хоҳлаётганини таъкидламоқда.
Шу билан бирга, “Атлетико” ҳужумчини сотишдан бош тортмоқда. Олдинроқ клуб амалдаги шартномага эга бўлган футболчи билан музокаралар олиб бораётгани сабабли “Барселона” устидан Испания қироллиги футбол федерациясига (RFEF) шикоят қилганди. Каталония клубига нисбатан суриштирув ишлари бошланган.
Альварес 10 август куни “Атлетико”нинг машғулотларига қўшилиши керак.
