Бу ҳақда "The Times" нашрига таяниб "Sport.es" хабар бермоқда.
Манба маълумотига кўра, "канонирлар"нинг режаси — ўйинчининг "Барселона"га ўтиш фикридан воз кечишини кутиш ва шундан сўнг ҳужумчига ҳамда "Атлетико"га маъқул келадиган ўз шартларини тақдим этишдан иборат. Таъкидланишича, "Арсенал" "Атлетико"нинг "Барселона"га ўтишни тўсишда давом этишига ва бу орқали келишувни август ойидаёқ қисқа муддатда якунлашга умид қилмоқда. Ҳаммаси аргентиналик футболчининг қатъиятига боғлиқ бўлади.
Аввалроқ Альварес вазиятини "Барселона" ва "Реал" кузатиб бораётган Испанияда қолишга қарши эмас эди. Бироқ мадридликлар ўзларининг бевосита рақобатчиларини кучайтиришни исташмаяпти. Бундан ташқари, футболчига ПСЖ ҳам қизиқиш билдирган эди.
Хабар қилинишича, айнан Альварес ушбу трансфер ойнасида "Арсенал" учун ҳужум чизиғини кучайтиришга асосий номзод ҳисобланади.
Эслатиб ўтамиз, 2024 йилнинг ёзида "Атлетико" 26 ёшли аргентиналикни "Манчестер Сити"дан 75 миллион еврога сотиб олган эди. 2025/2026 йилги мавсумда ҳужумчи барча турнирларда 49 та ўйинда майдонга тушиб, 20 та гол урди ва 9 та голли узатмани амалга оширди.
