Бу ҳақда “The Times” нашри хабар берди.
Манбанинг хабарига кўра, Инфантино раҳбарлигига нисбатан ортиб бораётган мухолифат фонида Марокашнинг қўллаб-қувватлаши у учун жуда муҳим бўлиши мумкин.
Эслатиб ўтамиз, ФИФА ўз турнирлари, жумладан, Жаҳон чемпионати ҳуқуқларининг бир қисмини хусусий инвесторларга сотишни режалаштирганди, аммо Инфантино бошқа футбол ташкилотлари томонидан билдирилган танқидлардан сўнг ушбу ташаббусдан воз кечди.
Ҳозирда ФИФА раҳбари Рабатда бўлиб турибди ва халқаро қўлловга эришиш учун ёрдамчилари билан фавқулодда йиғилиш чақирган. Инфантинони, айниқса, ЖЧ-2034 мезбони ва унинг асосий иттифоқчиси бўлмиш Саудия Арабистонининг сукут сақлаётгани ташвишга солмоқда. Президентнинг асосий суянчиғи бўлиб Марокаш қолмоқда. Рабатнинг садоқатини сақлаб қолиш учун Инфантино ЖЧ-2030 финалини Мадриддан Касабланкадаги янги “Ҳассан II” стадионига кўчиришга ваъда берди.
Бироқ агар Инфантино 2027 йилги сайловда ютқазиб қўйса, ушбу ваъда ўз кучини йўқотади.
