Франциянинг "Пари Сен-Жермен" клуби Англия Премьер-лигасининг молиявий қоидаларини бузганлик айблови фонида "Манчестер Сити" ярим ҳимоячиси Райан Шеркини шартнома асосида ўз сафига қўшиб олишга қизиқиш билдирмоқда. Бу ҳақда foot01.com нашри хабар бермоқда.
Манба маълумотига кўра, кўплаб клублар жиддий санкциялар хавфи остида турган "Манчестер Сити" атрофидаги вазиятга эътибор қаратмоқда, Франция терма жамоаси ярим ҳимоячиси эса ПСЖ томонидан жуда катта қизиқиш уйғотмоқда.
Парижликлар Шерки Франция 1-лигасида "Лион" шарафини ҳимоя қилиб юрган вақтида ҳам уни трансфер қилишга ҳаракат қилишгани хабар қилинган. 23 ёшли футболчи ўтган йилнинг ёзидан бери "Сити" шарафини ҳимоя қилиб келмоқда.
