Аргентина терма жамоаси ҳужумчиси Хулиан Альварес ЖЧ-2026 доирасидаги Австрияга қарши ўйиндан (2:0) сўнг берган интервьюсида "Атлетико"дан кетиш истаги борлигини билдирди.
– Келажагингиз Жаҳон чемпионатидан кейин ҳал бўладими? – Ростини айтсам, билмайман. Аммо ҳозир бу ҳақда гапирадиган вақт эмас. Шу билан бирга, мен яширинмоқчи ёки жавобдан қочмоқчи эмасман. Мен ҳалол одам бўлишга ҳаракат қиламан ва клубдагилар билан, яъни буни муҳокама қилишим керак бўлган инсонлар билан аллақачон очиқчасига гаплашиб олдим.
– Кетишингизга ишонасизми?
– Нима бўлишини билмайман. Аммо менга шундай туюляптики, ҳамма учун энг яхши вариант – трансфер. Мен ўз орзуимни амалга оширмоқчиман, – деди Альварес.
