Учрашув Филадельфиядаги (АҚШ) "Линкольн Файненшел Филд" стадионида ўтказилади. Бош ҳакам сифатида Дрю Фишер (Калгари, Канада) ишлайди.
Жамоаларнинг асосий таркиблари:
Франция: Меньян, Динь, Юпамекано, Кунде, Салиба, Коне, Рабьо, Дембеле, Мбаппе, Олисе, Баркола.
Ироқ: Басил, Али, Тахсин, Хашем, Доски, Байеш, Икбаль, Аль-Аммари, Исмаил, Касем, Хуссейн.
Биринчи турда францияликлар Сенегални (3:1) мағлуб этган бўлса, Ироқ Норвегияга (1:4) имкониятни бой берган эди. 3-турда Франция Норвегия билан (27 июнь), Ироқ эса Сенегал билан (26 июнь) тўқнаш келади.
Гуруҳ босқичи 11 июндан 27 июнгача бўлиб ўтади: жамоалар айланма тизимда ўйнаб, учтадан ўйин ўтказади. Ҳар бир гуруҳдан энг яхши натижа қайд этган иккита терма жамоа, шунингдек, учинчи ўринни эгаллаган саккизта жамоа плей-оффга йўл олади.
