"Барселона"да Хулиан Альварес учун курашда "Реал"нинг пайдо бўлишидан унчалик хавотирда эмаслар.
Diario Sport хабарига кўра, каталонияликлар клуби мадридликлар шунчаки "Атлетико" билан битим тузишни қийинлаштирмоқчи деб ҳисоблайди ва жараённи "шахмат партияси" сифатида кўрмоқда.
Бироқ эндиликда трансфер ишларига шахсан Жоан Лапорта қўшилди. "Блауграна" президенти Альвареснинг агенти Фернандо Идальго билан мулоқот қилди. Аргентиналик форварднинг вакили "Барселона" раҳбарини "Реал" мижозига расмий таклиф бермаганига ва футболчининг ўзи ҳам буни кўриб чиқмаслигига ишонтирди.
Хулианнинг позицияси аниқ: агар у жамоасини ўзгартирса, фақат Испания чемпионлари сафига ўтади. Шу сабабли "Барса"да хотиржамлик сақланиб қолмоқда.
Шунингдек, Лапорта Идальго билан потенциал трансфер нархини муҳокама қилди. "Барселона" 120 миллион евро ва бонус пуллари тўлашга тайёр. Битим тузилмасига қараб, сумма 130 миллионга яқинлашиши мумкин, аммо ундан кўп бўлиши даргумон. Айни пайтда "Атлетико" каталонияликларга Альваресни 150 миллиондан арзонга сотмаслигини айтиши мумкин ("Реал" айнан шунча таклиф қилган).
