Одамлардан аренани тарк этиш ва яқин атрофдаги бошпанага йўл олиш сўралди. Ўйин Тошкент вақти билан соат 02:00 да бошланиши керак эди.
BBC маълумотларига кўра, аввалроқ мухлисларга "минтақадаги ноқулай об-ҳаво" туфайли стадионга келмаслик ҳақида хабар берилган. Минтақада кучли ёмғир, момоқалдироқ ва чақмоқ чақиши прогноз қилинган эди.
"Линкольн Финаншиал Филд" баёнотида: "Минтақадаги ноқулай об-ҳаво туфайли стадионга кириш эшикларининг очилиши кечиктирилади. Агар сиз минтақа ташқарисида бўлсангиз, илтимос, ҳозирги вақтда "Филадельфия" стадионига келманг. Дарвозаларнинг янги очилиш вақти об-ҳаво яхшилангандан кейин эълон қилинади. Агар сиз "Филадельфия" стадиони яқинида бўлсангиз, илтимос, хавфсиз жойда пана жой топинг", – дейилган.
ЖЧ-2026 доирасида стадион атрофидаги тахминан 13 километр радиусда чақмоқ чаққани аниқланса, ўйин 30 дақиқага тўхтатилиши ва мухлислар хавфсиз жойларга кузатиб қўйилиши ҳақидаги қоидалар амал қилади.
Ўйин бошланишига уч соат қолганда кучли ёмғир ёғган, ҳозирча ўйиннинг бошланишини кўчириш ҳақида расмий маълумот келиб тушмаган.
