Мазкур қарорни А Сериянинг спорт судьяси 2026/27 йилги мавсум 8-тури якунларига кўра қабул қилди, деб хабар бермоқда лига расмий сайти.
Жазо 24 октябрь кунги "Наполи" ва "Рома" (3:3) ўртасидаги учрашувдаги воқеалар билан боғлиқ. Интизом баённомасига мувофиқ, 90-дақиқада Аллегри ҳакамлар бригадаси вакиллари шаънига ҳақоратли сўзлар ишлатган. Ўйиндан сўнг эса трибунаости йўлагида мураббий яна ҳакамларга нисбатан ҳурматсизлик кўрсатган ва рақиб жамоа раҳбарларидан бирига нисбатан тажовузкор муносабатда бўлган.
Қоидабузарликлар тўртинчи ҳакам, бош ҳакам ва федерал прокуратура ходимларининг ҳисоботларида қайд этилган. Интизом органи мутахассисга икки ўйинлик четлатиш ва пул жаримаси белгилади.
Шунингдек, лига ушбу қарорда "Лечче" ҳимоячиси Кьялонда Гаспарнинг ҳам 2 ўйинга дисквалификация қилинганини маълум қилди. Санкциялар А Сериянинг 8-тури якунлари бўйича чиқарилди.
