Vadim Abramov: "Qarshidagi uchrashuvni ko'ra olmadim, o'sha payt "Bunyodkor" - "Mashal" o'yinida edim"

"Paxtakor" - "Nasaf" o'yinini faqat hisobini bildim. Uchrashuvni tomosha qilganim yo'q. SHu bois menga bu bahs haqida gapirish qiyin. Sababi o'sha payt, "Bunyodkor" - "Mashal" o'yinini stadiondan kuzatayotgandim. Qarshida kimlar gol urganini bildim. SHunisi aniqki, maydon egalari 2:0 hisobida oldinda borayotib yakunda 2:3 hisobida mag'lubiyatga uchradi. "Paxtakor"dan g'alaba to'pini Ibrohimhalil Yo'ldoshev kiritdi.

"Bunyodkor"ning o'yini haqida fikr bildiradigan bo'lsam, birinchi uchrashuv bo'lgani bois futbolchilar hayajonlandi. Ular o'zlarining eng yaxshi o'yinlarini ko'rsata olishmagan bo'lishi mumkin. Maydonda yosh futbolchilar harakat qilishdi. "Mashal" esa himoyadan o'yin namoyish qildi. "Bunyodkor"da ko'p vaziyatlar yuzaga keldi va ularning biridan foydalandi. Umuman olganda o'yin teng suratlar ostida kechdi. 

AGMK - "Lokomotiv" o'rtasidagi bellashuv ham qiziqarli ruhda o'tdi. Yana takrorlayman, birinchi tur ekanligi bois biror aniq fikr bildirish qiyin. Ko'rinib turibdiki, barcha jamoalar yuqori o'rinlar uchun kurashishni maqsad qilgan",- deydi Abramov.