Uchta xabar bittada: Lempard rasman istefoga chiqarildi. Santush va Kuman esa terma jamoalarga bosh murabbiy bo'lishdi

Lempard 2022 yil yanvaridan beri "Everton" ustozi sifatida faoliyat olib borayotgandi.

Mersisaydliklarning joriy mavsumdagi omadsiz o'yinlaridan keyin rahbariyat 44 yoshli mutaxassis bilan xayrlashishga qaror qildi.

Eslatib o'tamiz, "Everton" APLda so'nggi bor o'tgan yilning oktyabr oyida g'olib chiqqandi. G'alabasiz seriya 8 ta uchrashuvga etdi. 20 tur davomida "irislar" atigi 15 ochko to'plab, jadvalda 19-o'rinda turibdi. "Everton"ning navbatdagi o'yini Londonning "Arsenal" jamoasiga qarshi bo'ladi.

So'nggi ish joyi Portugaliya TJ bo'lgan Fernandu Santush Polsha terma jamoasi ustoziga aylandi va 2026 yil iyunigacha shartnoma imzoladi. 68 yoshli Santush portugaliyaliklar bilan 2016 yil Evro hamda 2018/19 yilgi mavsum Millatlar Ligasida muvaffaqiyatga erishgandi.

“Barselona”dan istefoga chiqarilganidan keyin 2021 yilning oktyabridan beri ishsiz bo'lgan Ronald Kuman Niderlandiya Tjga qaytdi. U Qirollik futbol associaciyasi bilan 2026 yil iyuniga qadar shartnoma imzoladi. 59 yoshli mutaxassis 1997-1998 yillarda Niderlandiya termasida assistent bo'lib, 2018-2020 yillarda esa murabbiy sifatida faoliyat ko'rsatgan.