Rasmiy xabar. O'zbekiston milliy terma jamoasi Iroq bilan o'ynaydi

Saralash bahslarining “D” guruhidan o'rin olgan O'zbekiston milliy terma jamoasi ilk o'yinini safarda Falastinga qarshi o'tkazadi. Mazkur uchrashuv Al-Ram shahridagi Falastin terma jamoasining uy o'yinlarini o'tkazadigan “Faisal Al-Husseini” stadionida bo'lib o'tadi. O'yin  5 sentyabr kuni bizning vaqtimiz bilan soat 19:00da boshlanadi.

SHuningdek, 10 sentyabr kuni ham JCH-2022 saralash uchrashuvlari o'tkaziladi. Taqvimga ko'ra esa Ektor Kuper boshchiligidagi O'zbekiston milliy terma jamoasi 2-turda dam oladi. FIFA kunidan unumli foydalanish maqsadida O'zbekiston terma jamoasi 9 sentyabr kuni Iroq milliy termasiga qarshi xalqaro o'rtoqlik uchrashuvi o'tkazadi. Mazkur o'yin Iordaniya poytaxti Amman shahrida tashkil etiladi.