"Neftchi" serbiyalik murabbiy bilan shartnoma imzoladi

"Murabbiylar shtabini xorijlik mutaxassislar bilan mustahkamlash yo'lidan borayotgan "Neftchi" klubi rahbariyati serbiyalik tajribali murabbiy Milan CHirich bilan shartnoma imzoladi. Jamoada jismoniy tarbiya murabbiyi sifatida ish olib boradigan bu mutaxassis futbolchilik faoliyatini Serbiyaning "Radnickiy Pirot" klubida boshlagan. So'ngra faoliyatini "Obilich" jamoasida davom ettirgan. 2010 yilda jarohat tufayli futbolchilik faoliyatini yakunlab, murabbiylik tajribasini o'rganishga kirishdi. SHu sohada ish boshlab, o'z yurtidan tashqari Bolgariyaning  CSKA, "Ludogorec",  Xitoyning "Dundjin SHanyan", "Guanlyan Dunguan" va Ummonning "Al-Suvayx" kabi taniqli klublarida faoliyat yuritib, bu sohada mehnatsevar, mahoratli va ijodkor mutaxassis sifatida shuhrat qozondi. 

Ishonamizki, ana shu istedodli mutaxassis Farg'ona futbolining rivojiga barakali hissa qo'shib, shu soha mutaxassislari va ixlosmandlarining mehru-etiborini qozonadi", - deyiladi klub xabarida.