"Navbahor" legioner hujumchi bilan shartnoma imzoladi

"Gruziyalik tajribali hujumchi Giorgi Nikabadze “Navbahor” bilan shartnoma imzoladi.  

Nikabadze 1991 yil, 10 yanvar kuni Gruziyada tug'ilgan. Futbolchilik faoliyati davomida Litvaning “Banga” (Garjay), Gruziyaning “Guriya” (Lanchxuti), “Kolxeti-1913” (Poti), “Telavi” (Telavi), “Merani” (Tbilisi), “Dinamo” (Batumi), “Samgurali” (Cxaltubo), Maltaning “Gudya Yunayted” jamoalarida o'ynagan.

O'tgan mavsumning 2-davrasini “Neftchi” (Farg'ona) tarkibida o'tkazib, farg'onaliklar safida Superligada 12 ta o'yinda maydonga tushib, 3 ta gol urgan.     

Biz Giorgi Nikabadzega “Navbahor”dagi faoliyatida omad yor bo'lib, “lochinlar”ning g'alabalariga munosib hissasini qo'shishiga tilakdoshmiz", — deyiladi klub xabarida.

→ "Neftchi"da o'ynagan futbolchi "Navbahor"ga o'tmoqda