Mirjalol Qosimov: "Avvalgi uchrashuvlarda aynan yaratilgan vaziyatlarni golga aylantira olmaganimiz jamoamizga pand bergandi"
11 avg 2022 00:25
Yangiliklar

Mirjalol Qosimov: "Avvalgi uchrashuvlarda aynan yaratilgan vaziyatlarni golga aylantira olmaganimiz jamoamizga pand bergandi"

Coca-Cola Superligasi 15-turidan o'rin olgan AGMK – "Lokomotiv" (4:0) uchrashuvidan so'ng mezbonlar bosh murabbiyi Mirjalol Qosimov o'yin haqidagi fikrlari bilan o'rtoqlashdi.

«Qiziqarli va muxlislarbop o'yin bo'ldi. Nihoyat bugun yaratilgan vaziyatlarni golga aylantirib, muhim g'alabaga erishdik. O'yin uchun yigitlarga rahmat aytaman. Stadionga kelgan muxlislarga ham tashakkur, ular jamoamizni butun uchrashuv davomida qizg'in qo'llab-quvvatlashdi. Biz ularni xursand etish uchun o'ynaymiz. O'ylaymanki, bugun ular yaxshi kayfiyatda uyga qaytishdi. Avvalgi uchrashuvlarda aynan yaratilgan vaziyatlarni golga aylantira olmaganimiz jamoamizga pand bergandi. Futbolda kichik yoki mayda detallar yo'q. Biz buyog'iga ham shunday tempda davom etib, kerakli ochkolarni jamg'arishimiz kerak. Endilikda «Nasaf»ga qarshi o'yinga jiddiy tayyorlanamiz», -deydi Mirjalol Qosimov.