Mirzahakim To'xtamirzaev "Interfutbol" ko'rsatuvining yaralish tarixi haqida so'zlab berdi

Ustozimiz podkast davomida o'z davrining eng yaxshi dasturlaridan biri — "Interfutbol", shuningdek, "Paxtakor-79", afsonalar Birodar Abduraimov, Vasilis Xadzipanagis va Angren Premer-ligasi kai mavzularda malumotlarni taqdim etdi. 

"1997 yil Axbor aka Imomxo'jaev uylarida o'tirib, "Interfutbol"ni yo'lga qo'yish masalasi o'rtaga tashlangan. U paytda yozib olish imkoniyati televidenieda mavjud emasdi. Hech kim bekordan bekorga vaqt ajratib, apparaturani ajratib, yozib bermaydi. Uyda o'zimiz — Abror Imomxo'jaev, men, Sharof Oripov kabilar oddiy videomagnitofonimizga, yani lentali kasetaga televizordan o'yinni yozib olardik. Keyin uni yig'ishtirib berardik va Sharof Oripov qiziq uchrashuvlardan gollarni terib chiqardi. Zamonaviy tilda aytganda, highlights qilinardi. Men shu jamlanmani sharhlardim. Chamasi 45 daqiqalik ko'rsatuv bo'lardi. Ko'rsatuv uchun hafta davomida sara o'yinlarni kasetaga yozib chiqardik.

Rahbariyat televidenie kuchini sezgan holda 1998 yilda Jahon chempionatini namoyish qilish huquqini sotib oldi. TV1 va TV2, yani hozirgi "O'zbekiston" va "Yoshlar" telekanallarida JCHni uzata boshladik. Birinchi kanalda Azim aka va Davlat Turdialiev, ikkinchi kanalda men va Murod Rizaev sharhlaydigan bo'ldik. Ikkitadan o'yin berilsa, bir kishidan ishlaganmiz. Faqat "Yoshlar"dagi yarim finalni Axbor aka ikkimiz sharhlaganmiz. 

Keyin Jahon chempionatini namoyish qildik, texniklar ham signal ushlashni epladi, biz ham yaxshi sharhladik. Rahbariyatning ko'ngli to'ldi, shekilli, 1998/99 yilgi mavsumdan ECHL va UEFA Kubogi (hozirgi EL) uchrashuvlarini ko'rsata boshladik. Hafta davomida manaman degan o'yinlar qo'yilardi. Angliya, Ispaniya, Italiya, bazida Germaniya klublari ishtirokidagi uchrashuvlar namoyish qilinardi", – deya esladi ustoz Mirzahakim To'xtamirzaev.

"90minutuz" podkasti to'liq holda: