Miodrag Radulovich: "Saudiya Arabistoni - Osiyo Kubogi favoriti"

Malumki, hozirda ushbu murabbiy Livan terma jamoasini boshqarmoqda. Yaqinda undan OAV xodimlari intervyu olishdi hamda suhbat mobaynida Radulovich Osiyo Kubogiga oid fikrlarini bildirdi.

- "Men jahon chempionatida Saudiya Arabistoni terma jamoasini diqqat bilan kuzatdim. CHunki ular Osiyo Kubogida biz bilan bir guruhda kurash olib boradi. Garchi Saudiya JCHda guruhdan chiqa olmagan bo'lsa-da, o'yindan o'yinga o'sib bordi deya olaman. Biz uchun Osiyo Kubogida bu jamoaga qarshi kurashish juda qiyin bo'ladi".

- "SHuni aytishim mumkin, Saudiya Arabistoni Osiyo Kubogida favorit bo'ladi. Biz qiyin guruhdan joy olganmiz. Guruhimizda shuningdek, Qatar bilan KXDR ham bor va ular bilan bellashish oson bo'lmaydi. Osiyo Kubogi - nufuzli musobaqa, bu erda ko'p jamoalar g'olib chiqishni istaydi. Livan termasi BAAga turist sifatida bormaydi, mana ko'rasizlar, biz ham qo'ldan kelgancha harakat qilamiz", - deydi Miodrag Radulovich.