Maksim SHackix: "Dekabr oyida barchasini sarhisob qilamiz. O'yinni nazorat qildik va raqibga imkoniyat bermadik"

- O'yin haqida

- Yaratgan vaziyatlarimizdan unumli foydalana olganimizda tablodagi hisob boshqacha ko'rinish olgan bo'lardi. Har bir uchrashuvdan oldin yigitlarga o'zimizga o'zimiz muammo to'g'dirmasak, bizga hech kim muammo yarata olmaydi. Penalti belgilangan epizodlarni ko'rib chiqdim. Har doim takidlayman yigitlar bahsli vaziyatlar bo'lsa bizga qarshi qaror belgilanadi deb. Hakamlarni nazorat qiladigan organlar bor. To'p raqib futbolchisining qo'liga tekkanida esa, qo'l tabiiy holatda ekan. Kechirib qoyasiz, ammo bu ikki hil talqin qilish. Birinchi bo'limda vaziyatlarni golga aylantira olganimizda barchasi boshqacha yakun topgan bo'lar edi. Biz o'yinni to'liq nazorat qildik.

- Bugun "Paxtakor" hujumkor o'yin namoyish etdi, "Nasaf" esa ikkinchi raqam bo'lib harakatlandi. Bu jihat jamoangizning o'yinni o'sib borayotganidan dalolat. Yozda amalga oshirilgan transferlardan ko'nglingiz to'ldimi?

- Albatta. Bizga deyarli barchasi o'hshayapti. Dekabr oyida barchasini sarhisob qilamiz. O'zimiz istagan futbolchilar bilan shartnoma imzoladik. Ularga adaptaciya uchun biroz vaqt kerak xolos.

- "Paxtakor" jamoasining bosh murabbiyi sifatida faoliyat yuritishni boshlaganingizdan beri "Nasaf"ni mag'lub eta olmayapsiz. Olti bahsda to'rt mag'lubiyat va ikkita durang. Bunday natijaning sababini aytib o'tsangiz?

- Men statistikaga etibor bermayman. Bu futbol. Eng muhimi, yakunda egallaydigan o'rnimiz. Dekabr oyida sarhisob vaqti keladi. Oldinda bizni ko'p uchrashuvlar kutmoqda. Har bir jamoaga mag'lub bo'limiz va har qanday jamoa ustidan g'alaba qozonishimiz mumkin.