Slot "Arsenal" bilan durang nega orqaga tashlangan qadam emasligini tushuntirdi

"Umuman olganda, maydondagi o'yinimizdan mamnunman. Ayniqsa, hozir "Arsenal" ham APLda, ham evrokuboklarda yuqori saviyada o'ynayotganini hisobga olsak, yakuniy hisob ham meni qoniqtirdi. Bunday raqibga qarshi hatto durangga erishish ham oson emas, shu bois bu natijani o'rtacha ijobiy deb baholash mumkin.

Birinchi taymda raqib to'pga ko'proq egalik qildi va tashabbuskorroq ko'rindi. Shunga qaramay, o'sha paytda ham jamoamiz o'z darvozasidan ishonchli hujumlar boshlab, ularning bosim chizig'idan muvaffaqiyatli o'ta olgan lahzalar bo'ldi. Biroq o'yinni nazorat qilish borasida ustunlik londonliklar tomonida qoldi.

Tanaffusdan keyin biz yanada jips harakat qildik, bu esa "Arsenal"ga avvalgidek ustunlik qilish imkonini bermadi. Biz to'p bilan ancha xotirjam o'ynay boshladik va imkoniyatlar yaratdik, ammo hal qiluvchi bosqichda aniqlik etishmadi — jumladan, to'p to'singa tekkan epizodda ham. Aynan shu jihat gol urish uchun etarli bo'lmadi", – dedi Slot.

21-tur yakunlariga ko'ra "Arsenal" 49 ochko bilan APL turnir jadvalida etakchilikni saqlab qolmoqda. 35 ochko jamg'argan "Liverpul" esa to'rtinchi o'rinni egallab turibdi va yuqori pog'onalar uchun kurashni davom ettirmoqda.