Luka CHermel: “Bizni qo'llab turgan barcha muxlislarga minnatdorchilik bildiramiz”

"Avvalambor, barcha o'zbekistonlik muxlislarni ushbu muvaffaqiyat bilan tabriklayman. Juda qiyin o'yin bo'ldi. "Istern" tezkor va qiyin raqib bo'lishini avvaldan bilardik. SHunga yarasha tayyorgarlik ko'rgandik. 

O'yin davomida maqsad sari birlashib, harakat qildik. Natijada, muhim g'alabani qo'lga kiritdik. Bosqichma-bosqich maqsad sari boryapmiz. Finalga qadar yana bitta uchrashuv turibdi. Bizni qo'llab turgan barcha muxlislarga minnatdorchilik bildiramiz. 

CHindan ham ertaroq gol urishimiz mumkin edi, lekin buning uddasidan chiqa olmadik. Biroz shoshildik ham. Biroq baribir muhim bo'lgan golni urib, g'alaba qozondik. Muhimi, shu.

Biz raqib tanlamaymiz. Keyingi bosqichda kim bilan o'ynashimizning ahamiyati yo'q. Asosiysi, o'z o'yinimizni ko'rsatishimiz, biz rejamizga sodiq qolamiz. Barcha raqiblarimizni juda qattiq hurmat qilamiz va shunga monand tayyorgarlik ko'ramiz", – dedi jizzaxliklar himoyachisi.