Akmal Mozgovoy Jahon chempionatidagi raqiblar, "Nasaf"ning Elit OCHLdagi ishtiroki va "Baniyas" haqida gapirdi

– Nega aynan "Baniyas"ni tanladingiz?

– Menga "Baniyas" taklif bilan chiqdi. Oldimda boshqa tanlovlar ham bor edi. Biroq, yaxshi tanlov bo'lgani uchun "Baniyas"ni tanlashga qaror qildim.

– Otabek Shukurov jamoaga kelishi sizga qanchalik yordam berdi?

– Bu menga katta yordam berdi. Biz terma jamoada ham o'ynaymiz. Umuman, o'zbek futbolchisini bizning jamoaga kelishi juda yaxshi. 

– "Nasaf" nega Elit OCHLda omadsizlikka uchradi?

– "Nasaf" chempionlikni maqsad qilgandi, shu sababli Elit OCHL biroz chetga surib qo'yildi. Sabab shunda. 

– Fabio Kannavaro qanday murabbiy ekan?

– Uni tariflash ham shart emas. Buni oxirgi o'yinlarda ko'rdingiz. "Oltin to'p" sohibi, Jahon chempionati g'olibi, ortiqcha tarifga hojat yo'q. 

– Jahon chempionatidagi raqiblarimiz haqida gapirsangiz...

– Ronalduga qarshi o'ynash hammaning orzusi. Kolumbiya ham kuchli terma jamoa, tarkibida zo'r o'yinchilar bor. Menimcha, kuchli guruhga tushdik. 

– Jahon chempionatida uchta o'yinimiz uchta shaharda. Bu bizga qiyinchilik tug'diradimi?

– Unchalik ham qiyinchilik tug'ilmaydi. Barcha sharoitlar bo'ladi. Guruhdan chiqishga harakat qilamiz.