Levandovski yozda erkin agent sifatida MLS jamoasiga o'tishi mumkin

"Barselona" hujumchisi Robert Levandovski faoliyatini MLSda davom ettirishi mumkin.

"BBC Sport" xabariga ko'ra, "Chikago Fayr" Levandovski bilan muzokaralarni muvaffaqiyatli o'tkazgan. Hujumchi jamoasini o'zgartirishga qarshi emas, uning maoshi esa muammo tug'dirmasligi kutilmoqda.

Xabar qilinishicha, "Chikago Fayr" Levandovski bilan shartnoma imzolashni strategik muhim qadam deb hisoblaydi, chunki Chikagoda AQSHdagi eng katta polyak diasporasi istiqomat qiladi. Klub Levandovskini o'z "kashfiyotlar ro'yxati"ga kiritdi, bu transferga ustuvor huquqni beradi – MLSning boshqa jamoalari kompensaciya to'lamasdan polyak futbolchisini o'z safiga qo'shib ololmaydilar.

Qayd etilishicha, Levandovskiga "Inter Mayami" va Saudiya Arabistoni klublari ham qiziqish bildirmoqda. Robertning "Barselona" bilan shartnomasi 2026 yilning yozida yakuniga etadi.