Erik ten Xag istefoga chiqarilishi kerakmi? Patris Evra javob berdi

"Bir gapni aytaman: murabbiylarni istefoga chiqarish jonimga tegdi. Agarda Erikni ham ketkazsak, u istefoga chiqarilgan beshinchi murabbiy bo'ladi. Bu biz bilgan "Manchester Yunayted" emas. "Manchester Yunayted"da sodiqlar ishlardi. Hozir unday emas.

Endi jamoaga Jim Retkliff keldi, u futbolga katta etibor beradi, shu sababli unga ham katta bosim tushadi. Muxlislarni aldamagan bo'lardim. Hozir ishlar yaxshi emas.

Jamoa "Aston Villa"ga 0:2 hisobida imkoniyatni boy berayotganida tanaffusda "Yunayted"ning 3:2 hisobida yutishini taxmin qilgandim. O'shanda hamma meni ahmoqqa chiqardi, lekin biz yutdik. Ajoyib! Biroq undan keyin "Nottingem Forest"ga mag'lub bo'ldik. Bizga barqarorlik etishmayati.

Erik ten Xag meni tashvishga solmayapti. Menga shunchaki murabbiyni qo'llab-quvvatlash muhim. CHunki o'tgan mavsum uni "Yunayted"ga mos murabbiy deb aytgandik. O'tgan mavsumda u katta vazifani bajargandi.

Biroq MYU har mavsumda nimanidir yutishi majburiy bo'lib boryapti. Agarda jamoa top-4ga kira olmasa, balki, Retkliff yangi murabbiy olib kelar. Ko'ramiz.

Biroq men murabbiylar istefosidan charchadim. "CHelsi" Joze Mourinyuni istefoga chiqargani yodingizdadir. SHundan keyin klubda barqarorlik yo'qoldi, to'xtamasdan murabbiylar istefoga chiqarildi.

Tushunaman, "Yunayted" muxlislarining jaxli chiqqan, lekin yil davomida qanday jamoalar mag'lub etilganini yodga oling. Bugun barchasi o'zgarib ketishi mumkin, lekin tarix o'zgarmaydi", - dedi Evra.