"Dinamo" OCHL 1/8 finalida o'ynaydigan Saudiya Arabistoni klubi bilan durang o'ynadi

Bu safargi o'rtoqlik bahsida Vadim Abramov shogirdlari Saudiya Arabistonining "Al-Fayha" klubiga qarshi maydonga tushdi. OCHLda «Paxtakor»ni 4:1 hisobida mag'lub etib, 1/8 final yo'llanmasini qo'lga kiritgan Saudiya klubi tayyorgarlik doirasida Samarqand jamoasiga qarshi o'yin o'tkazdi.

Abu-Dabidagi o'yinda Saudiya klubi 6-daqiqada Navaf Al-Hartining goli evaziga hisobni ochgan bo'lsa, 15-daqiqada "Dinamo" yarim himoyachisi Sanjar SHoahmedov Farruh Ikromovning uzatmasidan keyin o'z goli bilan hisobni tenglashtirdi – 1:1.

Ikkinchi bo'limning 84-daqiqasida saudiyaliklar hisobda yana oldinga chiqib olgan bo'lsa, oradan ikki daqiqa o'tib Komil SHarofutdinov "Dinamo" hujumini gol bilan yakunladi – 2:2.

Qiziqarli o'tgan bahsda "Dinamo" klubi Osiyo CHempionlar ligasi nimchorak final ishtirokchisi bilan durang o'ynadi.

O'rtoqlik o'yini. 26 yanvar
Abu-Dabi, «Elite Club» stadioni
"Al-Fayha" (Saudiya Arabistoni) - "Dinamo" (O'zbekiston) – 2:2
Gollar: Navaf Al-Harti 6, Abdulhamid Sobiri 84 – Sanjar SHoahmedov 15, Komil SHarofutdinov 86.
"Dinamo": Ravshanbek Yagudin, Artyom Sokol, Odil Abdumajidov, Ulug'bek Abdullaev, Anvar Fayzullaev, Vladimir Kozak, Humoyunmirzo Iminov, Sanjar SHoahmedov, Francis Narx, Farrux Ikromov, Anvar Xojimirzaev.
Zaxiradan maydonga tushganlar: Salim Mustafoev, Dushan Miyich, Xislat Xalilov, Emmanuel Yagr, Vohidjon Oqbo'taev, Damir Temirov, Husniddin G'ofurov, Komil SHarofutdinov, Bahodir Nasimov, Xurshid Ubaydullaev, Javlon Malikov.