Bugun futbol. "Dinamo" - "Nasaf"

Oliy liga. 10-tur. 13 may
Dinamo (Samarqand) – Nasaf (Qarshi)
Hakamlar: I. Tantashev (Buxoro), H. SHodmonov (Buxoro), A. Qo'ldoshev (Buxoro), A. Lupashko (Toshkent)
Nazoratchi: F. Abdullaev (Toshkent).
O'zPFL vakili: A. Frolov.

O'yindan nima kutyapmiz? O'zbekistonning "Lesteri" bo'lishi kutilgan "Dinamo" mavsumni yaxshi boshladi-yu, keyinchalik mag'lubiyat va durangdan boshi chiqmay qoldi. Bugun bu jamoa o'z maydonida "Nasaf"ni qabul qiladi. Bizga malumki, Samarqandda kechgan mazkur jamoalar ishtirokidagi bahslar doim qiziqarli o'tgan. Umuman olganda, "Dinamo" maydonidan g'alaba bilan qaytish oson emas. Bugun ham qiziqarli bahs kechishi kutilmoqda. Imkoniyatlar borasida esa bir narsa deyish qiyin. Faqat shuni taxmin qilishimiz mumkin, uchrashuv kurashlarga boy tarzda kechadi.

Fakt: Bugun "Dinamo" o'z maydonida beshinchi uchrashuvni o'tkazadi. Avvalgi to'rt o'yinda samarqandliklar 7 ochko to'plashgan, ikki g'alaba, bir durang va bir mag'lubiyat. "Dinamo" o'z maydonida "SHo'rtan" va "Buxoro"dan ustun kelgan, "So'g'diyona" bilan durang o'ynagan holda "Navbahor"ga yutqazib qo'ygan. "Dinamo"ning o'z maydonidagi o'yinlarda to'plar nisbati 8-4.

Fakt: "Nasaf" boshqa klublarga nisbatan bitta kam o'yin o'tkazgan, chunki jamoaning "Bunyodkor" bilan o'yini nomalum muddatga qoldirilgan. "Nasaf" bugun safarda beshinchi bor maydonga tushadi. Qarshiliklar safardagi to'rtta o'yinning faqat bittasida zafar quchishgan. Ular 1-turda "Qo'qon-1912" maydonidan g'alaba bilan qaytishgandi. Keyinchalik "Nasaf" "Olmaliq" va "Lokomotiv" maydoniga safar uyushtirib kichik hisobda imkoniyatni boy berdi. "Qizilqum" bilan esa durang o'ynadi. "Nasaf"ning safar uchrashuvlarida to'plar nisbati 4-5.

Bilasizmi? "Dinamo" oxirgi uch o'yindan beri g'alaba qozona olmayapti. Jamoa ikki bor durang qayd etgan bo'lsa, bir marta mag'lubiyatga uchradi.

Bilasizmi? "Nasaf" oxirgi uchta o'yinda mag'lub bo'lmadi. Jamoa hisobiga ikkita g'alaba va bir durang yozildi.

Samarqanddagi oxirgi uch o'yin:

31.10.2015
"Dinamo" - "Nasaf" -    1:1

03.08.2014
"Dinamo" - "Nasaf" -    0:5

17.08.2013
"Dinamo" - "Nasaf" - 1:3