Andrey Kanchelskis: "Jahon chempionatidan keyin ham fikrim o'zgargani yo'q, CHerchesov tanlovi mutlaqo noto'g'ri"

"Jahon chempionatidan keyin ham Stanislav CHerchesov va Rossiya terma jamoasi haqidagi fikrim o'zgargani yo'q. Nima, mundialda Rossiya yaxshi futbol namoyish etdimi? Natija? Kimlarni yutdik o'zi? Saudiya Arabistoni terma jamoasinimi? Biz ularni yutishga majburmiz. Misrni yutish yaxshi ko'rsatkich hisoblanadimi? Yo'q albatta. Biz mundialda o'ynash tajribasi yo'q jamoalarni mag'lub etdik xolos. Urugvay Rossiya terma jamoasining asl basharasini ko'rsatgandiku. Natija o'shanda butkul o'yinga mos bo'lgandi. Ispaniya esa Jahon chempionatiga umuman tayyor bo'lmagan holda keldi. Tushunarsiz sabablarga ko'ra chempionat oldidan murabbiyni istefoga chiqardi. SHunchaki to'pni ushlab o'tirish uchun futbol o'ynagan Ispaniyani penaltilar seriyasida yutdik.

Yana shuni qo'shimcha qilish kerakki, biz mundialga kvalifikaciya raundisiz, yani mezbonlik huquqi asosida ishtirok etdik. Terma jamoamiz va CHerchesovning asl kuchini endi ko'ramiz. Evropa chempionatiga chiqish yo'lidagi kvalifikaciya raundida hammasiga javob olamiz. Terma jamoa va CHerchesovga haqiqiy bahoni endi qo'yamiz. Umuman, CHerchesovning tayinlovi to'g'ri yoki noto'g'rimi, hammasi oshkor bo'ladi. Hammaning o'z fikri bor. Menimcha esa CHerchesov tanlovi bu mutlaqo noto'g'ri bo'lgan. Buni men avval ham, hozir ham aytaman", - deydi Kanchelskis.