"Al Hilol" bosh murabbiyi jahon rekordini yangilaganidan so'ng nimalar dedi?

"Jahon rekordini yangiladik. Ushbu natijaga hissa qo'shgan barcha futbolchilar, murabbiylar va klub hodimlariga minnatdorchilik bildiraman. "Al Hilol" futbol tarixini yangiladi. Rekord qayd etish yoqimli, ammo rekordlarning qiymati sovrinlar bilan tenglasha olmaydi. Asosiy maqsadimiz sovrinlarni qo'lga kiritish. Biz Saudiya chempionati va Osiyo chempionlar ligasida g'alaba qozonishni maqsad qilganmiz va buni intizorlik bilan kutmoqdamiz" - dedi portugaliyalik mutaxassis Jorje Jezus

Eslatib o'tamiz, "Al Hilol" jamoasi Osiyo chempionlar ligasi 1/4 finali "Al Ittihod"ga qarshi uchrashuvdagi g'alabadan so'ng jahon rekordini yangiladi. "Al Hilol" klubi qatorasiga 28 uchrashuvda g'alaba qozondi. CHempionlar ligasi yarim final bosqichida Saudiya klubi Birlashgan Arab Amirliklarining "Al-Ayn" jamoasiga qarshi to'qnash kelishadi.