Abbosbek Fayzullaev O'zbekistondagi eng tez futbolchi kim ekanligini aytdi

«Husanov Evropaning istalgan jamoasida o'ynay oladi. U meni eng yaqin do'stlarimdan biri. Biz ko'p muloqot qilamiz. Terma jamoadagi vaqtimizda bir xonada yashaymiz. Men uning darajasini yaxshi bilaman. U bemalol PSJ yoki boshqa TOP jamoada o'ynab keta oladi. Unda futbolchi uchun kerakli barcha xislatlar bor. Tezligi haqida esa gapirmasam ham bo'ladi. U O'zbekistondagi eng tez futbolchi desam bo'ladi. Uning tezligi aqlbovar qilmas darajada.

Mendan tezmi? Yuz foiz. Men qisqa masofaga tez yugurishim mumkin. Husanov esa katta masofalarga ham juda tez yuguradi. Bir marta o'lchaganimizda uning tezligi 35 km/soatga etgandi», — deb fikr bildirdi Abbos.