- Ўйин ҳақида фикрингиз?
- Ғалаба билан мухлисларимизни табриклайман. Бугун сентябрь ойидаги охирги ўйинимизни ўтказдик. Энди ФИФА кунлари сабаб қисқа танаффус юзага келади. Ўйиндан олдин ғалаба қозониб мухлисларимизни хурсанд қилиш ниятида эдик. Ўйлайманки, чиройли футбол намойиш этган ҳолда бу ишни уддаладик. Кўп гол урган бўлсак-да, осон ўйин бўлмади, чунки пешқадамга қарши ҳамма икки карра куч билан ҳаракат қилади. Ўйлайманки, кўрсатган ўйинимиз мухлисларга ёқди.
- Дарҳақиқат очиқ футбол кўрдик, айниқса биринчи таймда жамоангиз яхши ҳаракат қилди, лекин иккинчи бўлимда захирадан тушганлар ўзларини кўрсата олишмади.
- Тўғри айтдингиз, икки хил тайм гувоҳи бўлдик. Биринчи таймда етакчилик биз томонда бўлди, ҳужумга ҳам тезкорлик билан ўтдик. Аммо иккинчи бўлимда ўйин темпи бироз пасайди. Шу боис ҳимоявий ўйин кўрсатишга ўтдик. Бу эса ўз навбатида қарши ҳужумларда ҳаракат қилиш имконини берди.
- Руслан Қалмағамбетов бугун гол ура олмади. У алмаштирилаётганида бундан норози эканини ифода этди.
- Руслан ажойиб йигит. У энг яхши ўйинчиларимиздан бири. Ҳа, бугун тўп кирита олмади, шунга қарамай у ажойиб ҳужумчи. У ҳар ўйинда ҳаракат қиляпти ва жамоага фойда келтиряпти. Бугун гол урмаганидан хавотирланмаса ҳам бўлади. У тўпни ўзида ушлаб жамоага ёрдам берди.
