Бу ҳақда футбол инсайдери Фабрицио Романо ижтимоий тармоқларда хабар бермоқда.
Манбанинг маълумотига кўра, "Қироллик клуби" раҳбарияти ва 34 ёшли посбоннинг вакиллари аллақачон тўлиқ оғзаки келишувга эришишган.
Ҳозирда мадридликларнинг юристлари ва Куртуанинг тарафи шартномага имзо қўйиш учун сўнгги ҳужжатлар билан алмашишмоқда. Бельгиялик футболчининг клуб билан тузадиган янги меҳнат шартномаси 2028 йилнинг ёзига қадар мўлжалланган.
Эслатиб ўтамиз, Куртуа 2018 йилнинг август ойида Лондондан "Челси"дан кўчиб ўтганидан бери мадридликлар сафида тўп суриб келмоқда. "Реал" таркибида бельгиялик посбон Чемпионлар Лигаси, УЕФА Суперкубогини қўлга киритган ва бир неча бор Испания чемпиони бўлган.
